ජනතාව මෙවර තමන් වෙත ඉගැන්වූ පාඩම හොඳින් ඉගෙන ගෙන ඊළඟ වතාවේ නැවත පැමිණීම හොඳින් සිදු කිරීමට තමන් සූදානම් බව ශ්රී ලංකා පොදුජන පෙරමුණේ ජනාධිපති අපේක්ෂකයා ලෙස ඉදිරිපත් වූ පාර්ලිමේන්තු මන්ත්රී නාමල් රාජපක්ෂ ප්රකාශ කරයි.
ජනාධිපතිවරණය අවසන් වීමෙන් පසු ජනතාව වෙත පණිවුඩයක් නිකුත් කරමින් ඔහු කියා සිටියේ එවක දේශපාලන විපක්ෂය විසින් එය ප්රතික්ෂේප කළ ද මෙවර මැතිවරණයේ මහජන වරම නිර්මාණය කිරීමේදී තම පක්ෂයේ පෙර පැවති 69 ලක්ෂයේ ඡන්ද පදනම කාර්යභාරයක් ඉටු කළ බව ය.
දැඩි විවේචන සහ මඩ ප්රහාර හමුවේ තමා මෙවර නව දේශපාලන සංස්කෘතියක් හඳුන්වා දීමට උත්සාහ කළ බව ඔහු පැවසීය.
මෙවර මැතිවරණයේදී තමන් සහ තම පක්ෂය කෙරෙහි විශ්වාසය තැබූ ජනතාවට ඔහු සිය කෘතඥතාව පළ කළේ ය.
