ආසියානු කලාපයේ මේ දිනවල පැතිරයමින් පවතින කොවිඩ් ප්රභේදය මෙරටින් ද හදුනාගෙන ඇති බව වෛද්ය පර්යේෂණ ආයතනය පවසයි.
වෛද්ය පර්යේෂණ ආයතනයේ වෛරස රෝග පිළිබද විශේෂඥ වෛද්ය ජූඩ් ජයමහ මහතා සදහන් කළේ ඔමික්රෝන් වෛරසයට අදාල අනු ප්රභේදයන් වන එල් එෆ් පොයින්ට් සෙවන් සහ එක්ස් එෆ් ජී යන අනු ප්රභේදය ආසාදිත රෝගීන් මෙරටින් වාර්තා වන බවය.
දිවයිනේ රෝහල් කිහිපයකින් ලබාගත් ජෛව සාම්පල වෛද්ය පර්යේෂණ ආයතනයට ලබාගෙන සිදු කළ පර්යේෂණ වලින් මේ බව තහවුරු වී ඇති බව විශේෂඥ වෛද්ය ජූඩ් ජයමහ මහතා පැවසීය.
කෙසේ වෙතත් මෙම කොවිඩ් අනු ප්රභේද සම්බන්ධයෙන් අනිසි බියක් ඇති කරගත යුතු නොමැති බවද ඔහු අවධාරණය කළේය.
අවදානමට ලක්විය හැකි කාණ්ඩ ලෙස හදුනාගෙන ඇති ගර්භණී මව්වරුන්, වැඩිහිටියන් හා නිදන්ගත රෝගීන් මුඛ ආවරණ පැලඳීම, ජනතාව වැඩි වශයෙන් ගැවසෙන ස්ථානවල රැඳී නොසිටීම යනාදී සෞඛ්ය පුරුදු අනුගමනය කිරීම වැදගත් බවද සෞඛ්ය අංශ පෙන්වා දී තිබේ.
