ලබන වසරේ අළු බඳුන තරගාවලියෙන් පසුව ඔස්ට්‍රේලියානු ක්‍රිකට් ක්‍රීඩක ඩේවිඩ් වෝනර් ටෙස්ට් ක්‍රිකට් ක්‍රීඩාවෙන් සමුගැනීමට නියමිත බව විදෙස් මාධ්‍ය වාර්තා කරයි.
මෙරව T20ලෝක කුසලාන තරගාවලියෙන් ඔස්ට්‍රේලියානු කණ්ඩායමට අනපේක්ෂිත ලෙස ඉවත්වීමට සිදුවුණි.
එම සිදුවීමත් සමග වෝනර් සහ ඔස්ට්‍රේලියානු ජ්‍යෙෂ්ඨ ක්‍රීඩකයින් කිහිපදෙනෙකුම දැඩි ලෙස කම්පනයට ලක්ව ඇතැයි ද විදෙස් මාධ්‍ය වාර්තා කර තිබේ.
විශේෂයෙන්ම ඔස්ට්‍රේලියානු හිටපු ක්‍රිකට් ක්‍රීඩක මැතිව් හේඩ්න් කණ්ඩායමේ වෙනසක් සිදුවිය යුතු බව සඳහන් කර ඇත්තේ, මීළඟ ලෝක කුසලානයට පෙර ඇතැමුන්ට ඉවත් වීමට කාලය පැමිණ ඇති බව පවසමිනි.
“ලබන වසරේ එක්දින ලෝක කුසලානය සහ 2024 වසරේ විස්සයි විස්ස ලෝක කුසලානය තියෙනවා. ඉතිං මේ මම ටෙස්ට් ක්‍රිකට් ක්‍රීඩා කරන අවසන් මාස 12 යි. නමුත් මම සුදු පැහැති පන්දුවෙන් ක්‍රීඩා කරන්න ඉතා කැමති. ඒක පුදුමාකාරයි.”
– ඩේවිඩ් වෝනර් –