BREAKING NEWS
Search

හෙදියො වැඩ පටන් ගනිද්දී පරිපූරක වෛද්‍ය සේවය වැඩ නවත්වයි

407

අද (03) උදෑසන 8 සිට සේවාවලින් ඉවත්ව වෘත්තීය ක්‍රියාමාර්ගයක නිරතවීමට තීරණය කළ බව පරිපුරක වෛද්‍ය සේවා ඒකාබද්ධ බල මණ්ඩලය පවසයි.

එම වෘත්තීකයින්ට සම්බන්ධ ඉල්ලීම් පිළිබඳ රජයේ අවධානය යොමු නොකිරීම හේතුවෙන් මෙම තීරණය ගත් බව වෛද්‍ය රසායනාගාර විද්‍යාඥයින්ගේ සංගමයේ සම ලේකම් ලෙසන්ත චතුරංග මහතා ප්‍රකාශ කළේය.

“අද වන විට සෞඛ්‍ය අමාත්‍යාංශය සහ රජය වෘත්තීය ක්‍රියාමාර්ගයට ගිය පිරිසට විතරක් විසඳුම් ලබා දෙන්න උත්සාහ කරනවා.ඒකට තමයි අපි අද මේ විරෝධය දක්වන්නේ.සඳුදා වෙනකොට අමාත්‍ය මණ්ඩල පත්‍රිකාව හෙද සේවාව,පරිපූරක වෛද්‍ය සේවාව සහ අතුරු වෛද්‍ය සේවා කියන 3ටම අදාළ වෙන විදිහට නිකුත් කෙරෙන්නේ නැත්නම් අපි මීට වැඩිය ප්‍රබල මට්ටමින් වෘත්තීය ක්‍රියාමාර්ගයට අවතීර්ණ වෙනවා.”යනුවෙන් ද ඔහු පැවසීය.

කෙසේවෙතත් හෙදහෙදියන් ආරම්භ කර තිබූ දෙදින වෘත්තීය ක්‍රියාමාර්ගය ඊයේ දින අවසන් වී තිබිණ.