හිටපු ජනපති මෛත්‍රීට නඩු පැවරීම නීතිමය අර්බුදයක

273

පාස්කු ඉරිදා සිද්ධිය පිළිබඳ කොමිෂන් සභා වාර්තාව අනුව හිටපු ජනාධිපති මෛත්‍රීපාල සිරිසේනට එරෙහිව නඩු පැවරිය හැකිද යන්න නීතිමය අර්ථකතන පිළිබඳ අර්බුදයක් බවට පත්ව ඇතැයි ඉහළ පෙළේ දේශපාලන ආරංචිමාර්ග පවසයි.

එයට හේතු වී ඇත්තේ පාස්කු ඉරිදා කොමිෂන් සභා වාර්තාවේ මෛත්‍රීපාල සිරිසේනට අදාළ නිර්දේශය ඇතුළත් ඉංග්‍රීසි හා සිංහල පිටපත්වල පරස්පරතාවක් හටගෙන ඇති බැවිණි.

එසේම රටේ ජනාධිපතිවරයාට අධිකරණය හමුවේ නීතිමය මුක්තිය හිමිවන ආණ්ඩුක්‍රම ව්‍යවස්ථාවේ 35 (1) වගන්තිය ඇතුළත් ඉංග්‍රීසි හා සිංහල පිටපත්වල ද සුළු පරස්පරයක් පැවතීම නිසා මේ ගැන ශ්‍රේෂ්ඨාධිකරණ අර්ථකථනයක් ලබාගත යුතු යැයි ඇතැම් ජ්‍යෙෂ්ඨ නීති විශාරදයන් රජයට උපදෙස් දී ඇත.

ඒ අතර නීතිපතිවරයා ප්‍රකාශ කර ඇත්තේ පාස්කු කොමිසම නඩු පවරන ලෙස සලකා බලන්නැයි කළ ඉල්ලීමට අනුවම නඩු පැවරීමට නීතිමය ඉඩක් නැති බවයි.

ඊට පෙර හිටපු ජනාධිපතිවරයාට හිටපු ආරක්ෂක ලේකම්වරයාට පොලිස්පතිවරයාට රාජ්‍ය බුද්ධි අංශ ප්‍රධානියාට සහ ආරක්ෂක අමාත්‍යංශයේ ප්‍රධාන බුද්ධි නිලධාරියාට නඩු පැවරීමට අදාළව විධිමත් සාක්ෂි ඇත්දැයි සොයාබැලීමට අපරාධ පරීක්ෂණයක් සිදුකළ යුතු බවත් නීතිපතිවරයා දන්වා ඇති බව වාර්තා වේ.

අධිකරණ වාර්තාකරු

Source – Deshaya