හමුදාපති මොනවද දන්නේ? සුමන්තිරන්ගෙන් චෝදනා පිට චෝදනා

332

ඊයේ (23) දිනයේ පැවැති පාර්ලිමේන්තු සැසිවාරය අවස්ථාවේ දෙමළ ජාතික සන්ධාන පාර්ලිමේන්තු මන්ත්‍රී එම්.ඒ සුමන්තිරන් විසින් යුද හමුදාපති ශවේන්ද්‍ර සිල්වා මහතා සම්බන්ධයෙන් ආණ්ඩුව වෙත චෝදනා එල්ල කර තිබුණා.

එහිදී මන්ත්‍රීවරයා විසින් කොරෝනා තත්ත්වය පිළිබඳව සඳහන් කරමින් පවසා සිටියේ මෙම ආණ්ඩුව සෑහෙන්න වාසනාවන්ත බවයි.මන්ත්‍රීවරයා එහිදී කියා සිටියේ පවතින තත්ත්වය තුළ ඇති අවස්ථාවන් සම්බන්ධව තීරණ ගැනීමට හා ඊට නායකත්වය දිය හැකි පිරිස් මෙම ආණ්ඩුව තුළ සිටින බවයි.

නමුත් ආණ්ඩුව විසින් මෙම වෛරසයට එරෙහිව සටන් කරන්නේ විදෙස් හමුදාවක් සමඟ සටන් කරන ආකාරයට බවද මන්ත්‍රීවරයා සඳහන් කර සිටියා.ඔහු වැඩිදුරටත් කියා සිටියේ “ හමුදාපතිවරයාට බලය දීලා..හමුදාපතිවරයා මොනවද දන්නේ.. අඩුම තරමේ හමුදාපතිවරයා නීතිය ගැන මොනවද දන්නේ ලොක්ඩවුන් කරනවා,සංචරණ සීමා පැනවීම් ගැන කියන්න.” යනුවෙනි.

මන්ත්‍රීවරයා විසින් ආණ්ඩු පක්ෂයට චෝදනා කරමින් පවසා සිටියේ ආණ්ඩුව විසින් තනි පුද්ගලයෙකු වෙත බලය ලබාදී ඇති බවත්,ඔහු විසින් මාධ්‍ය නිවේදනයන් නිකුත් කරමින් සිටින බවත් එය රටේ නීතිය ලෙස සලකන බවත් මන්ත්‍රීවරයා විසින් චෝදනා කර තිබුණා