BREAKING NEWS
Search

ශ්‍රී ලංකා පිලේ වග­කීම් විර­හිත පිති­ක­ර­ණය ගැන දැඩි විවේ­චන

502

ශ්‍රී ලංකා ක්‍රිකට් කණ්ඩා­යම තේරීමේ සහ කණ්ඩා­යමේ වග­කීම් විර­හිත පිති­ක­රණ විලා­ශය පිළි­බඳ ප්‍රවීණ දෙස් විදෙස් ක්‍රිකට් ක්‍රීඩ­ක­යන්ගේ දැඩි විවේ­චන එල්ල වෙයි.

මෙරට ක්‍රිකට් ක්‍රීඩාව ගැඹුරු අගා­ධ­යක වැටී තිබෙන බව හිටපු ක්‍රිකට් නායක කුමාර් සංග­ක්කාර මහතා සඳ­හන් කරන අතර,එංග­ලන්ත හිටපු ක්‍රිකට් නායක නසාර් හුසේන් පව­සන්නේ ශ්‍රී ලංකාව වැනි ක්‍රිකට් ක්‍රීඩාවේ සාඩ­ම්බර ඉති­හා­ස­යක් ඇති රටක වත්මන් ක්‍රීඩ­ක­යන්ගේ පිති­ක­ර­ණය විස්තර කිරී­මට මොළ­යක් නැති,පිස්සු,හාස්‍ය­ජ­නක වැනි වචන ගොඩක් ඇති බවය.

ශ්‍රී ලංකාවේ පළමු පෙළ තරග සැකැස්ම මඟින් වඩාත් හොඳ පිති­ක­රු­වන් නිර්මා­ණය නොක­රන නිසා මෙවැනි තත්ත්ව­යක් උද්ග­තව ඇති බව සංග­ක්කාර මහතා වීඩීයෝ තාක්ෂ­ණය ඔස්සේ මාධ්‍ය සාක­ච්ඡා­ව­කට එක් වෙමින් සඳ­හන් කළේය.

“ඒක හරිම දුර්වල පිති හර­ඹ­යක්. ඕනෑම ඉනි­මක් ගත්තොත්,පිති­ක­රු­වන් එක්කෙ­නෙක් හෝ දෙන්නෙක්,දුර්වල පහ­ර­ව­ලින් දැවී යනවා.සම­හර වෙලා­වට දුර්වල පහ­රක් ගහලා අවුට් වුණා කිය­ලත් අපි කිය­නවා.ඒත් හැම දෙනාම වාගේ එකම වැරැද්ද කර­නවා.ටෙස්ට් තර­ග­යක පළමු ඉනි­මේදී එහෙම වුණාම බර­ප­තළ තත්ත්ව­යක් නිර්මා­ණය වෙනවා.තර­ග­යට යන්න ඉස්ස­ර­වෙ­ලාම පෙනුණු දෙයක් තමයි ශ්‍රී ලංකා කණ්ඩා­යමේ පිති­කරු ලැයි­ස්තු­වම ටෙස්ට් තර­ග­ය­කට මුහුණ දෙන්න තරම් සංවි­ධා­නා­ත්මක තත්ත්ව­යක නැති බව. ඔවුන්ගේ ක්‍රියා­කා­ර­කම්,නැත්නම් තාක්‍ෂ­ණය සම්බ­න්ධ­යෙන් ඔවුන්ට පාල­න­යක් තිබුණේ නෑ. කිසි කෙනෙක් ඒ තත්ත්වයේ හිටියේ නෑ.
සන්සුන්ව,බුද්ධි­මත්ව තීරණ ගත යුතු වෙලා­ව­ල­දීත්,උම­තු­වෙන් වගේ තීරණ ගත්ත ආකා­ර­යක් දකින්න ලැබුණා.සම­ස්ත­යක් වශ­යෙන් තාක්‍ෂ­ණ­යේදී සූදා­නම් වීමේදී නැත්නම් තීරණ ගැනී­මේදී වුණත්,ශ්‍රී ලංකා කණ්ඩා­යම ඉතා­මත් දුර්වල මට්ට­මක හිටියේ”යනු­වෙන් කුමාර් සංග­ක්කාර පැව­සීය.

“අර්බු­දය ගැඹු­ර­ටම ගිලා බැහැලා.සහ­තික වශ­යෙන්ම මේක අහ­ම්බ­යක් නෙමේ.මම කියන්නේ මේකට හේතුව වඩාත් උසස් තත්ත්වයේ ක්‍රිකට් ක්‍රීඩා­වක් ශ්‍රී ලංකාවේ නැති වීමයි.අපි කාල­යක් තිස්සේ ඉතා­මත් දක්‍ෂ ක්‍රීඩ­ක­යන් රැසක්ම බිහි කළා.ඒත් හිටි හැටි­යේම ඒ වගේ අය නිර්මා­ණය වෙන්නේ නැත්නම්,මේ තියෙන ක්‍රම­වේ­දයේ ගැට­ලු­වක් දක්නට ලැබෙ­නවා.සෑහෙන කාල­යක් අපි දක්‍ෂතා නිර්මා­ණය වන දිහා බලා­ගෙන හිටියා.ඒත් ඒවා වඩාත් දියුණු තත්ත්ව­යට පත්වෙලා නෑ”

එංග­ලන්ත හිටපු ක්‍රිකට් නායක නසාර් හුසේන් අතී­තය ස්මර­ණය කර­මින් සඳ­හන් කළේ ශ්‍රී ලංකා­වෙන් බිහි වූ විශි­ෂ්ට­යන් වන සිදත් වෙත්ත­මුණි,අර්ජුන රණ­තුංග,මාවන් අත­පත්තු,සනත් ජය­සූ­රිය,මහේල ජය­ව­ර්ධන,වැනි ක්‍රීඩ­ක­යන්ට මේ දුර්වල පිති හර­ඹය දකින විට කුමක් හැඟෙනු ඇත්දැයි තමන්ට ප්‍රශ්න­යක් බවය.

ටෙස්ට් තර­ග­යක මෙවැනි දුර්ව­ලම පිති හර­ඹ­යක් දුටු පළමු අව­ස්ථාව මෙය බවත්,ටෙස්ට් තර­ග­යක පළමු දින­යේදී මුහුණ දෙන ආකා­රය තර­ග­යක් පරා­ජය වීමට බල­පෑම් ඇති කරන බවත් හෙතෙම පෙන්වා දුන්නේය.

“දකුණු අප්‍රි­කාවේ ක්‍රීඩා කළ ආකා­රය ගැන මට විශාල අනු­ක­ම්පා­වක් ඇති වුණා.ඔවුන්ට සිදු වූ ආබාධ ප්‍රමා­ණය පරා­ජ­යට හේතු­වක් වුණා. එහෙත් ගාල්ලේ ශ්‍රී ලංකා – එංග­ලන්ත පළමු ටෙස්ට් ක්‍රිකට් තර­ග­යේදී ශ්‍රී ලංකා පිති­ක­රු­වන් රැස් කළ ලකුණු සංඛ්‍යාව ලැජ්ජා­ස­හ­ග­තයි.වත්මන් ශ්‍රී ලංකා ක්‍රීඩ­ක­යන්ගේ දක්ෂතා සාඩ­ම්බර ක්‍රිකට් ජාති­යක් වූ ශ්‍රී ලංකාව වැනි රට­කට සුදුසු වන්නේ නෑ.පිති­ක­රු­වන්ට වාසි­දා­යක තණ­ති­ල්ලක ලකුණු 135ක් ගැනීම අනු­කම්පා කරන්න පුළු­වන් දෙයක් නොවෙයි.ශ්‍රී ලංකාව ටෙස්ට් ක්‍රිකට් ක්‍රීඩා කිරී­මට නුසු­දුසු කණ්ඩා­ය­මක් බවට පත් වෙලා.ශ්‍රී ලංකා ඉනිමේ අන­වශ්‍ය පහ­ර­වල් පැටව් ගසා තිබුණා” නසාර් හුසෙන් සඳ­හන් කළේය.

“මතක තබා ගන්න,පන්දු­වට පහර දුන් සම­හ­රක් හොඳ පළ­පු­රුදු පිති­ක­රු­වන්. ළහිරු තිරි­මාන්න,කුසල් පෙරේරා,දිනේෂ් චන්දි­මාල් සහ ඇන්ජලෝ මැතිව්ස් වගේ අය.ටෙස්ට් තර­ග­ය­කදී දීර්ඝ කාල­යක් පන්දු­වට පහර දීමත්, කඩුල්ලේ රැඳී සිටී­මත්,ලකුණු රැස් කිරී­මත් කළ යුතුයි. ජෝ රූට් සහ ජොනි බයර්ස්ටෝ පළමු ඉනිමේ දුන් හවු­ල්කා­රි­ත්වය ශ්‍රී ලංකා ක්‍රීඩ­ක­යන්ට හොඳ ආද­ර්ශ­යක් වුණා”හුසේන් පැව­සීය.“දවස් පහක් ක්‍රීඩා කළ යුතුව තිබි­යදී හැමෝම මෙත­රම් කඩි­මු­ඩියේ සිටින්නේ මන්දැයි මට තේරෙන්නේ නෑ. සෙමෙන් වටේට තට්ටු කර කඩුල්ලේ සිටියා නම් ලකුණු ලැබෙ­නවා.බේස් සහ ජැක් ලීච් වැනි අත්දැ­කීම් අඩු දඟ පන්දු යව­න්නන්ට කඩුලු තෑගි කළා.ශ්‍රී ලංකා පිති­ක­රු­වන් ටෙස්ට් ක්‍රිකට් සඳහා රිද්ම­යක් සොයා ගත යුතුයි.සිදත්,අර්ජුන,අර­වින්ද,මාවන්,හෂාන්,මහේල,සංග­ක්කාර වැනි අතීත ක්‍රීඩ­ක­යන් කළේ එයයි”එංග­ලන්ත හිටපු ක්‍රිකට් නාය­කයා සඳ­හන් කළේය.