ලෝක ටෙස්ට් ශූරතා තරගාවලිය යටතේ ශ්‍රී ලංකා කණ්ඩායම මේ වසරේ සහභාගිවන තරග දෙකකින් යුත් පළමු ටෙස්ට් තරගාවලිය ලබන මාර්තු මාසයේදී නවසීලන්තය සමඟ පැවැත්වෙනවා.
එහි පළමු තරගය මාර්තු 9 වනදා ක්‍රයිස්චර්ච් හිදී ආරම්භ වන අතර, දෙවන තරගය වෙලින්ටන් හිදී ආරම්භවන්නේ මාර්තු මස 17 වනදායි.
පසුගිය වසරේ අගෝස්තු මස 4 වනදා සිට ආරම්භ වූ ලෝක ටෙස්ට් ශූරතා තරගාවලියේ දෙවන අදියරයේ මෙතෙක් පැවති තරග අතුරෙන් ඔස්ට්‍රෙලියානු කණ්ඩායම ඉදිරියෙන් පසුවනවා.
එහි දෙවන ස්ථානයේ ඉන්දියාව පසුවන අතර, ශ්‍රී ලංකාව රැඳී සිටින්නේ තුන්වන ස්ථානයේයි.