BREAKING NEWS
Search

මෙල්බර්න් ලොක්ඩවුන් කිරීමට හේතුව ලාංකිකයෙක්

192

ඔස්ට්‍රේලියාවේ මෙල්බර්න් නුවර කොවිඩ් පොකුරට සම්බන්ධ පළමු ආසාදිතයා හඳුනාගැනීමට එරට සෞඛ්‍ය අංශ සමත්වී සිටියි.මැය 08 ශ්‍රී ලංකාවේ සිට ඔස්ට්‍රේලියාවට පැමිණි සංචාරකයෙකුගෙන් මෙල්බර්න් නුවර කොවිඩ් පොකුර නිර්මාණය වී ඇති බවට ඔවුන් තහවුරු කර ගෙන තිබේ.

කොවිඩ් 19 ආරම්භයේ පටන් සාර්ථකව එය පාලනය කළ ඔස්ට්‍රේලියාවට මෙල්බර්න් නුවර කොවිඩ් පොකුර දැඩි බලපෑමක් එල්ල කළේය.

ඒ හේතුවෙන් සති දෙකකට ආසන්න කාලයක් මෙල්බරන් නුවර අඟුළු දැමූ අතර මිලියන 5කට අධික ජනතාවකට නිවෙස්වලටම වී සිටීමට සිදුවිය.

පළමු ආසාදිතයා සොයා ගැනීමත් සමගම මෙල්බර්න් නුවර අඟුළු දැමීම තවත් දින කිහිපයකින් ලිහිල් කිරීමට නියමිත අතර අඟහරුවා දිනයේදී වාර්තා වූ කොවිඩ් ආසාදිතයන් දෙදෙනාද පළමු ආසාදිතයාට සම්බන්ධ බවට තහවුරු කරගෙන තිබේ.

ශ්‍රී ලංකාවේ සිට ඔස්ට්‍රේලියාවට ගොස් ඇති සංචාරකයා 40 වැනි වියේ පසුවන බවට තහවුරු කරගෙන තිබේ.ඔහුට කොවිඩ් ආසාදනය වීම හේතුවෙන් මැයි 14 දා රෝහල් ගත ර ඇති අතර සුවය ලැබීමෙන් අනතුරුව මැයි 23 දා රෝහලින් පිටව ගොස් තිබේ.