මෙන්ඩිස්ට අනතුරු ඇඟවීමක්

322

රී ලංකා ක්‍රිකට් ක්‍රීඩක කුසල් මෙන්ඩිස්ට ශ්‍රී ලංකා ක්‍රිකට් ආයතනය විසින් අනතුරු ඇගවීමක් සිදු කර ඇති බව ක්‍රිකට් අභ්‍යන්තර ආරංචිමාර්ග සඳහන් කරනවා.

ඒ,පසුගිය දිනක පානදුර ප්‍රදේශයේ දී සිදු වූ රිය අනතුරකින් පුද්ගලයෙකු මියයාමේ සිද්ධිය පදනම් කර ගනිමින්.

පසුගිය ජූලි 5 වනදා ඔහු පැද වූ මෝටර් රථය,පා පැදියක ගැටී සිදු වූ එම අනතුරේ දී 64 හැවිරි පුද්ගලයෙකු මිය ගියා.

ඊට අදාළව අධිකරණය හමුවේ විභාග වන නඩුවේ දී රුපියල් ලක්ෂ 10ක වන්දි මුදලක් මිය ගිය අයගේ පාර්ශවය වෙනුවෙන් ලබා දීමට ද කුසල් මෙන්ඩිස් එකග වුණා.

මෙම අනතුර සම්බන්ධ‍යෙන් ශ්‍රී ලංකා ක්‍රිකට් ආයතනය ද පරීක්ෂණයක් පැවැත්වීමට කටයුතු කළේ ක්‍රිකට් ආයතනයට අදාළ සිද්ධියෙන් වූ අපකීර්තිය පදනම් කර ගනිමින්.

ඒ අනුව චෝදනා පත්‍රයක් ඔහුට එරෙහිව ලබා දීමට ක්‍රියා කර තිබූ අතර,පසුව අනතුරු ඇගවීමක් සිදු කර ඇති බව සදහන්.

“ක්‍රීඩකයින් ඉදිරියේ දී නව කොන්ත්‍රාත්තුවක් අත්සන් කරන විට අපි ඔවුන්ට ආචාර ධර්ම පද්ධතියක් හදුන්වා දෙනවා. බොහෝ පැතිකඩ මේ වන විටත් ආවරණය වී තිබුණත්,තවත් පැතිකඩ කිහිපයක් ආවරණය කළ යුතුයි. ඉතිං අපි ඒවත් එකතු කරනවා කොන්ත්‍රාත් ගිවිසුම්වලට.”

යනුවෙන් ශ්‍රී ලංකා ක්‍රිකට් ආයතනයේ ප්‍රධාන විධායක නිළධාරී ඈෂ්ලි ද සිල්වා මහතා සදහන් කළා.