BREAKING NEWS
Search

මාසයක් කොළඹ ජීවත් වෙන්න එක් අයෙකුට රු. 13,421 ක් ප්‍රමාණවත් – නිල වාර්තාවක් කියයි

132

ජනලේඛන හා සංඛ්‍යාලේඛන දෙපාර්තමේන්තුව විසින් ප්‍රකාශයට පත් කරනු ලබන නවතම නිල දරිද්‍රතා රේඛා සටහන නිකුත් කර තිබේ.

2022 ජූනි මාසයට අදාළව නිකුත් කර තිබෙන මෙම නව දත්ත සටහනට අනුව, එක් පුද්ගලයෙකුට සිය මූලික අවශ්‍යතා සපුරාලීම සඳහා මසකට අවශ්‍ය අවම වියදම (Minimum Expenditure per person per month to fulfill the basic needs) ජාතික අගයයක් වශයෙන් රු. 12,444 ක් ලෙස දක්වා ඇත.

මෙම අගය එක් එක් දිස්ත්‍රික්කය අනුව වෙනවෙනම ගණන් බලා ඇති අතර ඒ අනුව වැඩිම වියදමක් දැරීමට සිදුව ඇත්තේ කොළඹ දිස්ත්‍රික්කය තුළ ජීවත් වෙන පුද්ගලයෙකු හටයි. එය රු. 13,421 කි. මෙහි අවමය ලෙසින් මොණරාගල දිස්ත්‍රික්කය දක්වා ඇති අතර එම දිස්ත්‍රික්කය තුළ වෙසෙන පුද්ගලයෙකුට සිය මූලික අවශ්‍යතා සපුරා ගැනීම සඳහා මාසයක් තුළ දැරීමට සිදුවන අවම වියදම රු. 11,899 කි.

නිල දරිද්‍රතා රේඛාවේ වැඩිවීමට හේතුව පෙර මාසයට සාපේක්ෂව 2022 ජුනි මාසයේදී වාර්තා වූ ඉහළ ජාතික පාරිභෝගික මිල දර්ශක අගය බව ජනලේඛන හා සංඛාලේඛන දොපර්තමේන්තුව වැඩිදුරටත් පෙන්වා දේ.

කෙසේවෙතත් කොළඹ පාරිභෝගික මිල දර්ශකයට අනුව පසුගිය 2022 ජූලි මාසයේ දී මෙරට උද්ධමනය 60.85 ක් දක්වා ඉහළ ගොස් තිබීම හා ආහාර උද්ධමනය 90.9% ක් දක්වා ඉහළ ගොස් තිබීම හමුවේ 2022 ජූලි මාසය වෙනුවෙන් වන ඉහත අගයයන් බෙහෙවින් ඉහළ යා හැකි වනු ඇත.

2022 ජූනි මාසයට අදාළ මෙම සම්පූර්ණ සටහන පහතින් දැක්වේ.