මහින්ද හොඳ නායකයෙක් – සිරිසේන පක්ෂය විනාශ කළා හිටපු ජනපතිනිය කියයි

414

අග්‍රාමාත්‍ය මහින්ද රාජපක්ෂ මහතාගේ දේශපාලනය තමන් පිළිනොගන්නා නමුත් එතුමා ශක්තිමත් නායකයෙක් බව හිටපු ජනාධිපතිනි චන්ද්‍රිකා බණ්ඩාරනායක කුමාරතුංග පවසනවා.

මාධ්‍ය වෙත අදහස් දක්වමින් ඇය වැඩිදුරටත් සඳහන් කළේ හිටපු ජනාධිපති මෛත්‍රිපාල සිරිසේන ශ්‍රී ලංකා නිදහස් පක්ෂය විනාශ කළ බවයි.

“ශ්‍රී ලංකා නිදහස් පක්ෂය කොහෙද කියලා මම හැමතැනම හොයනවා. පහුගිය අවුරුද්දේ සිරිසේන මේක විනාශ කළා. රාජපක්ෂ මහත්තයාගේ දේශපාලනය මම පිළිගන්නේ නෑ. නමුත් එතුමා ශක්තිමත් නායකයෙක්.”

“ශ්‍රී ලංකා නිදහස් පක්ෂය ගැන මට කණගාටුයි. අඬන්නද හිනාවෙන්නද කියලා තේරෙන්නේ නෑ.. සිරිසේන කැත විදිහට පක්ෂය විනාශ කළා. බැනුම් ඇහුවා , අපිව පරද්දන්න කියලා කිව්වා. දැන් ලැජ්ජා සහගත විදිහට අමාත්‍යාංශ කිහිපයක් දීලා තියෙනවා.”

“අපේ පක්ෂයේ සභාපතිට මොකුත් නෑ. ලේකම්ට බතික් අමාත්‍යාංශය..ඒකට ආයතන මොකුත් නෑ…”

“අලුත් නායකත්වයක් යටතේ අපේ පාක්ෂිකයින් අතරින් තෝරාගෙන පක්ෂය ඉදිරියට ගෙනියනවා. එහෙම කරන ඕනකෙනෙකුට මගේ සහයෝගය ලැබෙනවා” යනුවෙන් ඇය වැඩිදුරටත් ප්‍රකාශ කළා.