BREAKING NEWS
Search

බිස්කට් අලෙවිය පහත වැටේ.

3461

අධික ලෙස මිල ඉහළයාම හේතුවෙන් බිස්කට් අලෙවිය පහත වැටී ඇති බවට වාර්තා වන අතර,ඒ හේතුවෙන් බිස්කට් සඳහා ඇතැම් වෙළඳසැල් වට්ටම් ද ලබා දී තිබෙනු දක්නට තිබේ.

බිස්කට් මිල අධික ලෙස ඉහළ යෑමට විරෝධය පළකර,මිලදී ගැනීම වර්ජනය කරන ලෙස සමාජ මාධ්‍ය ඔස්සේ ප්‍රචාරණයන් ද ගෙන යමින් පවතී.

ඉකුත් දා මාධ්‍ය සාකච්ඡාවක් පවත්වමින් රසකැවිලි නිෂ්පාදකයින්ගේ සංගමය කියා සිටියේ පාරිභෝගිකයින් බිස්කට් පරිභෝජනය නතර කළහොත් සිය කර්මාන්ත ශාලා වසා දැමීමට සිදු වන බව ලංකා රසකැවිලි නිෂ්පාදකයින්ගේ සංගමය පවසයි.

එම සංගමය පෙන්වා දුන්නේ,අමුද්‍රව්‍යවල මිල ඉහළ යාමට සාපේක්ෂව සිය නිෂ්පාදනවල මිල ඉහළ දමා නොමැති බව ත්,සියයට සියයක් දේශීය ව්‍යවසායකයින්ගෙන් සමන්විත සිය කර්මාන්තය තුළ මිල ඉහළ දැමීම් සිදු කර ඇත්තේ, ලාභය ඉතා අවම වන ආකාරයට බවත් ය.

එහි සභාපති එස්.එම්.ඩී. සූරිය කුමාර මේ බව ප්‍රකාශ කළේ,(15) පැවති මාධ්‍ය හමුවකදී ය.එහිදී ඔහු වැඩිදුරටත් මෙලෙස සඳහන් කළේය

“පාරිභෝගිකයෝ කෑවේ නැත්නම් ඉතින් අපිට වහන්න වෙනවා. අනිවාර්යයෙන් ම.කතා දෙකක් නැහැ.ඉස්සෙල්ලා ම අපේ රස්සාවලුත් නැතුව යයි. ඉතින් වහන්න වෙනවා.කතා දෙකක් නැහැ. හැබැයි අපි දන්නවා,අපිට ලැබිලා තියෙන තොරතුරු අනුව විශේෂයෙන් ම මේ හරහා ම කියැවෙනවා,දැන් ළමයි, බාල, මහළු සෑම සියලු දෙනාගේ ම බිස්කට් කියන්නේ ඉතා ජනප්‍රිය කෑමක්. ඔබයි මමයි දන්න කරුණක් නේ. ඔබගේ බිරිඳට හෝ මගේ බිරිඳට අද ලැවරියා එකක්,වැලි තලප කෑල්ලක් හදාගන්න වෙලාවක් නැහැ. හැලපයක් හදාගන්න වෙලාවක් නැහැ.ඒකෙත් කොස්ට් එක වැඩියි.”

පසුගිය කාලයේදි රසකැවිලි නිෂ්පාදනය සදහා යොදා ගන්නා අමුද්‍රව්‍යවල මිල සියයට දෙසීයකට ආසන්න ප්‍රතිශතයකින් ඉහළ ගොස් තිබෙන බව ද එම සංගමය වැඩිදුරට ත් පෙන්වා දුන්නේ ය.