BREAKING NEWS
Search

දැන් රටේ එකම බලාපොරොත්තුව ඔබයි: රොනී සජිත්ට කියයි

225

සිය 96 වන ජන්ම දිනය සමරනු ලැබූ මෙරට බිහිවූ සුවිශේෂී දේශපාලනඥයෙකු වූ රොනී ද මෙල් මහතා හමුවීමටත් එතුමාට දීර්ඝායුෂ පතා සුභ උපන්දිනයක් ප්‍රාර්ථනා කිරීමටත් විපක්ෂ නායක සජිත් ප්‍රේමදාස මහතා ඊයේ (11) පෙරවරුවේ රොනීද මැල් මහතාගේ නිවස වෙත පැමිණියේය.

1977ජේ.ආර් ජයවර්ධන ආණ්ඩුවේ මුදල් හා ක්‍රම සම්පාදන අමාත්‍යවරයා ලෙස කටයුතු කළ රොනී ද මැල් මහතා මෙරටට විවෘත ආර්ථිකය හඳුන්වා දීමේ ප්‍රමුඛතමයෙකු ලෙස කටයුතු කළේය.

අයවැය වාර්තා 11ක් ඉදිරිපත් කරමින් වාර්තාගත මුදල් අමාත්‍යවරයෙක් ලෙස කටයුතු කර ඇති හෙතෙම මෙරට ප්‍රාදේශීය සංවර්ධන බැංකු ස්ථාපිත කිරීමේ පුරෝගාමියා ද වෙයි.

වර්තමාන දේශපාලන තත්ත්වය පිළිබඳව සිය අදහස් ඉදිරිපත් කළ රොනී ද මැල් මහතා විපක්ෂ නායකවරයා ලෙස සජිත් ප්‍රේමදාස මහතාගේ ක්‍රියාකලාපය පිළිබඳව සිය දැඩි ප්‍රසාදය පළ කළේය.

අනාගතයේදී මේ රට නිවැරදි දිශානතියකට රැගෙන යාමට හැකියාව ඇති එකම පුද්ගලයා වන්නේ ද වත්මන් විපක්ෂ නායක සජිත් ප්‍රේමදාස මහතා බව හෙතෙම අවධාරණය කළේය.