කොවිඩ් මාරයාට ඉඩ නොතබා ‘සිය මංගල දිනය කැප කළ’ ආදර්ශමත් යුවළ

388

පවතින කොරෝනා වසංගතය හමුවේ තම ජීවිතයේ වටිනාම ලස්සනම දවස කැප කළ තරුණයෙකු ආරච්චිකට්ටුව රාජකදලුව ප්‍රදේශයෙන් වාර්තාවනවා.

ඔහු නමින් ආරච්චිකට්ටුවල රාජකදලුවල ස්වර්ණ ජයන්ති මාවතෙන් හමුවූ ජේ. කේ. සුමුදු මලින්දයි ඇය‌ගේ බිරිඳ ආරච්චිකට්ටුවල කෝට්ටපිටිය පදිංචි සංජීවනී මිරෙන්ඩායි.

පාසල් කාලයේ පටන් පෙම්බැද වසර ගණනාවකට පසු ඔවුන් එකම කැදැල්ලකට ඒමට පසුගිය 07 වැනිදා ආරච්චිකට්ටුවල කෝට්ටපිටියල අන්තෝනි මුනිද්‍රයාගේ දෙව්මැදුරේදී දෙවිදුන්ගේ ආශීර්වාද ලබාගත්තේ අඩුපිරිසක සහභාගීත්වයෙන් චාම් උත්සවයක් ගනිමිනි.

නමුත් සුමුදු සංජීවනී දෙදෙනා 08 වැනිදා 150ක පිරිසකට සිය මංගල උත්සවයට ආරාධනය කළේ රජයේ අවසරය මතය.

07 වැනිදා රාත්‍රියේම සුමුදු අසලම නිවසක හිතවතෙකුගේ පවුලේ සාමාජිකයින්ට කොවිඩ් 19 වෛරසය අසාධනය වී ඇතිබවට සැලවී තිබෙනවා.

ඒ අනුව ඔහු තම උත්සවය නවතා දමා 7දා රෑ පහන් වනතුරු තම උත්සවයට ආරාධනා කළ නෑදෑ හිතවතුන්ට දුරකථන ඇමතුම් ලබා‌දෙමින් පවසා සිටියේ තම මංගල උත්සවය අවලංගු කළ බවයි.

මෙම සිදිධියෙන් සමුදු සමාජයට ආදර්ශමත් පණිවිඩයක් ගෙන දෙන්නේ මංගල උත්සවයක් සඳහා කොපමණ මුදල් ප්‍රමාණයක් වියදම් කළත් තමන්ගේ සතුට ඇතුළු හැමදේටම වඩා සමාජයටවන හානිය වලක්වාගැනීම ඊට වඩා වැඩි බව යන වටිනා පණිවිඩය සමාජයට එක්කරමිනි.