කුලියාපිටිය හුදකලා කෙරේ

230

කුලියාපිටිය පොලිස් වසම අද මධ්‍යම රාත්‍රියේ සිට ක්‍රියාත්මක වන පරිදි හුදකලා කිරීමට තීරණය කළ බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.

ප්‍රදේශයේ කොවිඩ් ව්‍යාප්තිය පාලනය කිරීම සඳහා මෙම තීරණය ගත් බව ඔහු වැඩිදුරටත් සඳහන් කළේය.

මෙම හුදකලා කිරීම නැවත දැනුම්දෙනතුරු ක්‍රියාත්මක වන බව ඔහු පැවසීය.

වයඹ පළාත් ආණ්ඩුකාර රාජා කොල්ලුරේ මහතා ද පැවසුවේ කොවිඩ් -19 පැතිරීමේ අවදානම හේතුවෙන් මෙම තීරණයට එළඹි බවය‍.

මේ අතර කුරුණැගල ප්‍රදේශයේ සිදු කරණ PCR පරික්ෂණවලින් සියයට 10ක් පමණ කොවිඩ් ආසාදිතයින් ලෙස හඳුනාගැනීම බරපතළ තත්ත්වයක් බව කුලියාපිටිය සෞඛ්‍ය වෛද්‍ය නිලධාරි වෛද්‍ය උත්පල සංකල්ප මහතා ද පවසා තිබුණි.